¡Achégase unha fin de semana que vai a tope coa billarda!
Este sábado 4, a partir das tres da tarde, en Lugo, volve A Candeloria, un dos festivais que apostou, desde o principio, pola billarda como un dos seus eventos na programación. Así que prepara o teu uniforme festivaleiro: palán nunha mao e na outra a guitarra eléctrica.
E o domingo 5, se cadra con resaca, ás once da mañá en San Miguel de Reinante, o noso gran seleccionador Flores comandará o seu aberto, un dos máis históricos e antigos da LNB, a duodécima edición do Aberto de Flores xa está aquí.
Billarda sempre! Adiante co Varal, co punk-rock e cos chistes de Flores!
Ao redor dun cento de xogadores converxeron, outro ano máis, no que xa é unha das máis míticas convocatorias da Liga Nacional de Billarda: o Aberto de Flores. Van xa 15 anos de historia dunha competición organizada persoalmente por Manolo Flores, lenda da LNB e seleccionador nacional, en San Miguel de Reinante, no Concello de Barreiros.
A xornada, con tempo revolto, amosou outra vez máis a potencia e o talento da LNB, onde compiten desde cativas e cativos ata as vellas glorias coa idea orixinal que marcou o nacemento deste movemento: ¡Outro deporte é posíbel!
Palanadoras e palanadores de todo o País non quixeron perderse a cita: Ribadeo, Meira, Muimenta, Lugo, Begonte, A Laracha, Carballo, etc. A maioría arroupados polos seus equipos. Desde a xénese, no ano 2004, ata hoxe, foron moitos os colectivos, asociacións, centros sociais e organizacións de todo tipo os que se incorporaron a este proxecto cun modelo de xestión único e referencial na Galiza.
Se cadra, xa vai sendo tempo de que alguén se interese en como se pode desenrolar un movemento participativo desta magnitude sen axudas públicas e sen liderazgos que, en moitos casos, dan protagonismo a persoas e fan sombra ao proxecto.
Parabéns a Charly, que foi o campión absoluto e parabéns a tódolos participantes.
Crónica do histórico palanador mariñán Tonho Randeeira
Nova xornada da Liga Nacional de Billarda que volve á Mariña, ao Campo das Valgas. O undécimo Aberto de Flores, incluído no programa das festas de San Miguel, disputarase o sábado 5 de marzo a partir das 15:30 horas. ¡Billarda sempre, adiante co Varal!
O Varal 